Пәкістан премьер-министрі Бішкекте болған оқиғаға алаңдаушылық білдірді
АСТАНА. KAZINFORM – Пәкістан премьер-министрі Шахбаз Шариф Қырғыз Республикасының астанасында болған шетелдік азаматтарға қатысты оқиғаны баса назарда ұстап отырғанын айтты. Бұл туралы 24.kg жазды.
– Бішкек қаласындағы пәкістандық студенттерге қатысты жағдайға қатты алаңдап отырмыз. Мен Пәкістан Елшісіне барлық қажетті қолдау мен көмек көрсетуді тапсырдым. Елшілікпен байланыстамыз және жағдайды үнемі қадағалап отырамыз», - деп жазды Шахбаз Шариф Х желісінде.
Deeply concerned over the situation of Pakistani students in Bishkek, Kyrgyzstan. I have directed Pakistan's Ambassador to provide all necessary help and assistance. My office is also in touch with the Embassy and constantly monitoring the situation.
— Shehbaz Sharif (@CMShehbaz) May 18, 2024
Бішкекте 13 мамырда хостел қонақтары арасындағы төбелестен басталған шиеленісті жағдайдың соңы жаппай тәртіпсіздікке ұласқан болатын.
Қырғыз Республикасының Министрлер кабинеті Бішкекте болған оқиғаға байланысты мәлімдеме жасады.