17:44, 10 Қаңтар 2010

2011 жылғы қысқы Азия ойындары аясында допинг-бақылау шаралары ерекше назарда

АСТАНА. Қаңтардың 10-ы. ҚазАқпарат /Руслан Ғаббасов/ - Туризм және спорт министрлігі 2011 жылғы қысқы Азия ойындары аясында допинг-бақылау шараларына ерекше назар аударуда,

деп хабарлайды ҚазАқпарат аталған ведомствоның баспасөз қызметіне сілтеме жасап.

Бүгінде Азия Олимпиадалық кеңесі AWAGOC-тің 5 офицеріне сертификаттарды тапсырды. Министрлік тағы да 17 офицерді даярлауды жоспарлап отыр. Антидопингтік зертхана WADA аккредитациясын алуға техникалық жағынан толық дайын. Атап айтқанда WADA осыған дейін дайындық жұмыстарына өзінің оң бағасын берген болатын.

Сонымен бірге, Үйлестіру комитеті Қайрат Ержановты Азия Олимпиадалық кеңесінің медициналық комитетінде Қазақстанның өкілі лауазымына келісімін берді.

Спорт

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.