ОРАЛ. 20 наурыз. ҚазАқпарат - БҚО бойынша кедендік бақылау департаменті контрабандамен күрес басқармасы қызметкерлері БҚО ішкі істер департаменті ұйымдасқан қылмыспен күрес басқармасындағы әріптестерімен бірлесіп «Ермек» автокемпингі аумағында Түркия азаматы Д. айдаған «DAF» маркалы автокөлікті ұстаған.
Облыстық кедендік бақылау департаментінің баспасөз қызметінен хабарлағанындай, кедендік тексеру кезінде тауар жеткізу құжаттарында көрсетілмеген тауарлардың барлығы да белгілі болды. Оның жалпы құны 4 699 640 теңгені құрады.
Аталмыш факті бойынша ҚР ҚК 209-бабы 1-бөлімі бойынша қылмыстық іс қозғалды. Бұл - жыл басынан бері батысқазақстандық кеденшілер қозғаған алтыншы қылмыстық іс.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).