ОРАЛ. 12 желтоқсан. ҚазАқпарат - 4 млн. астам теңгені жымқырған «Нафта» сауда үйінің бухгалтері бес жылға бас бостандығынан айрылды.
Облыстық соттың баспасөз қызметінен түскен мәліметке қарағанда, кассир міндетін қоса атқарған бухгалтер қызды Орал қалалық соты ҚР ҚК 176-бабы 3-бөлімі «б» тармағы бойынша айыпты деп танып, мүлкін тәркілей отырып, бес жылға бас бостандығынан айыру, материалдық жауапкершілігі бар қызметті атқару құқығынан бір жылға айыру жазасын жалпы режимдегі түзету колониясында өтеуді белгілеген болатын. Сонымен бірге сот ҚР ҚК 72-бабы 1-бөлімін қолдана отырып, жазаны өтеуге бір жылға кейінге қалдырды.
БҚО қылмыстық істер жөніндегі апелляциялық сот алқасы үкімді өзгеріссіз қалдырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).