«Мәселен, Қарағанды облысында азамат Д-ның жетекшілігімен алдын ала сөз байласқан топтың жалған кәсіпкерлікпен айналысуы фактісі бойынша қылмыстық іс тергелуде. Олар ЖШС-лардың бірінің есепшотынан 423 млн. теңгені қолма-қол ақшаға алмастыру барысында ұсталды. Қазіргі уақытта бұл қылмыстық іс тергелуде», - деді ол.
Оның мәліметтеріне сәйкес, өткен жылдың 12 айында экономикалық тергеу қызметімен еліміз бойынша 3 мыңға жуық жалған кәсіпкерлікке қатысты сот алдындағы тексеру жұмыстары басталған. Тексеру барысында 2 мыңнан астам жалған кәсіпкерлік есептен алынып, 503 заңды тұлғаның тіркелуі заңсыз деп танылған.
«Жедел ақпараттарға сәйкес, Мемлекеттік кірістер комитетінің қызметкерлері 9 млрд. теңгеден астам қаржыны жалған шот-фактуралар арқылы қолма-қол ақшаға айналдырмақ болған 59 қылмыскерді ұстады. Бұл бағыттағы жұмыстар жалғаса береді. Бұған қоса, салықтан жалтарудың жаңа бағыттарын анықтаумен байланысты қылмыстық істерге мониторинг жүргізу жалғасады», - деді А.Байманов.
18:07, 31 Наурыз 2016
9 млрд теңгеден астам қаржыны қолма-қол ақшаға айналдырмақ болған 59 қылмыскер ұсталды
АСТАНА. ҚазАқпарат - 9 млрд. теңгеден астам қаржыны қолма-қол ақшаға айналдырмақ болған 59 қылмыскер ұсталды. Бұл туралы бүгін ҚР Қаржы министрлігіне қарасты Мемлекеттік кірістер комитетінің Алдын алу жұмыстары және бақылау басқармасы басшысының орынбасары Абзал Байманов мәлім етті.