Баспасөз қызметінің мәліметтеріне қарағанда, әйел психотроптық затты өткізу мақсатынсыз заңсыз сақтағаны үшін 3 жылға бас бостандығынан айырылған.
Алайда істің жекелеген материалдары, оның ішінде электрондық хат алмасу деректері мен психотроптық затты тасымалдау мән-жайлары оны өткізу мақсатының болуы тұрғысынан қосымша бағалауды талап еткен.
Бұдан бөлек, тәркіленген заттың мөлшері 1 кг жуық болып, аса ірі мөлшерге жатқызылған. Бұл мән-жай да оны иемдену мен тасымалдау мақсатын айқындау кезінде ескерілуге тиіс еді.
-Прокурордың наразылығы бойынша кассациялық сот үкімнің күшін жойып, қылмыстық істі жаңа сот талқылауына жіберді,-делінген хабарламада.
Айта кетейік, осыған дейін Талдықорғанда 4,5 келі мефедронмен ұсталған азамат 10 жылға сотталғаны туралы жаздық.