ОРАЛ. 6 қазан. ҚазАқпарат - А.Островский атындағы облыстық орыс драма театры Тасқала ауданы тұрғындарына өз қойылымдарын ұсынды.
Бұл сапарды ұйымдастырған театр әкімгері, Тасқала ауданының тумасы М.Қалықова. Режиссер көмекшісі А.Тяпкинның жетекшілігімен жас көрермендерге «Золотой цыпленок» ертегісі, ал кешкісін үлкендерге арнап Ғ.Мүсіреповтың «Қозы Көрпеш - Баян Сұлу» драмасы ұсынылды.
Тасқала сахнасында барлығы 11 актер қатысқан қойылымда Қазақстан Республикасының еңбек сіңірген қайраткері Тамара Столярова да өнер көрсетті.
Жалпы, аталмыш театр облыс аудандарына, сондай-ақ көршілес Атырау қаласына гастрольдік сапармен шығуды дәстүрге айналдырған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).