CЕМЕЙ. ҚазАқпарат – Абай облыстық табиғи ресурстар және табиғат пайдалануды реттеу басқармасының басшысы болып Данияр Тоқтыбаев тағайындалды, деп хабарлайды ҚазАқпарат тілшісі.
Данияр Жағыпарұлы 1976 жылы Павлодар облысы Краснокутск кентінде дүниеге келген. Д. Серікбаев атындағы Шығыс Қазақстан техникалық университетін және Қазақстан-Америка Еркін университетін бітірген.
Еңбек өтілін Шығыс Қазақстан облысы Күршім ауданы әкімі аппаратының құрылыс, сәулет, ТҮКШ және жолдарды дамыту бөлімінің маманы болып бастаған.
Әр жылдары ШҚО сәулет-құрылыс бақылау басқармасында, ШҚО құрылыс басқармасында, ШҚО Табиғи ресурстар және табиғат пайдалануды реттеу басқармасында басшылық қызметтер атқарған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.