КӨКШЕТАУ. ҚазАқпарат - Ақмола облысында Есіл өзеніне батып кеткен 26 жастағы әйелдің мәйіті табылды. Бұл туралы аймақтық ТЖД баспасөз қызметінен хабарлады.
ТЖД мәліметі бойынша 20-шы шілде күні кешкі сағат 19:25 минут шамасында Аршалы ауданының 42-ші разъезд стансасында Есіл өзеніне шомылмақ болған 1988 жылғы азаматша суға батып кеткен.
Іздеу жұмыстарына ҚР ІІМ ТЖК «Орталық өңірлік аэромобилді жедел-құтқару отряды» ММ-нің жеке құрамынан 3 қызметкер және 1 арнайы суда жүзу техникасы тартылып, тура екі сағаттан соң суға батып кеткен әйелдің денесін жағаға алып шықты.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.