КӨКШЕТАУ. ҚазАқпарат - Калачи ауылында селолық округ әкімдігінің қызметкері "ұйқы ауруына" шалдықты, деп хабарлады аймақтық ТЖД баспасөз қызметінен.
ТЖД мәліметі бойынша қаңтардың 9-ы күні Калачи ауылының 1968 және 1965 жылғы тұрғындары «Белгісіз генезді энцефалопатия» диагнозымен Есіл аудандық ауруханасына жатқызылған.
Науқастардың бірі 50 жастағы Владимир Дорошенко Красногорск селолық округінің әкімдігінде жүргізуші болып қызмет істейтін көрінеді. Қазіргі кезде науқастардың барлығы дәрігерлердің бақылауына алынып, тиісті ем қабылдап жатыр.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.