14:10, 09 Сәуір 2009

Ақсай қаласында «Нұр Отан» ХДП 10 жылдығына орай «Ұрпаққа мәңгі тіл қатшы, далам!» атты жас ақындар мүшәйрасы мәреге жетті

ОРАЛ. Сәуірдің 9-ы. ҚазАқпарат /Ғайсағали Ералы/ - Ақсай қаласындағы Бөрлі аудандық мәдениет үйінде «Нұр Отан» ХДП 10 жылдығына орай «Ұрпаққа мәңгі тіл қатшы, далам!» атты жас ақындар мүшәйрасы мәреге жетті,

деп хабарлайды ҚазАқпарат тілшісі. Жыр сайысына барлығы он екі үміткер қатысып, олар жас ерекшеліктеріне қарай 14 пен 18, 18 бен 25 жас аралығында шеберлік сынасты. Белгілі ақын, әнші, Қазақстанның еңбек сіңірген мәдениет қызметкері Қатимолла Бердіғалиев бастаған қазылар алқасы бағалаған мүшәйра қорытындысында 14 пен 18 жас аралығындағылардан Березов ауылынан келген Оралбек Ысқақ үздік шықты. Ал екінші топтан Ақсайдағы №4 мектеп мұғалімі Ғабдолхамит Рахметов жеңімпаз атанды. «Нұр Отан» ХДП аудандық филиалының төрағасы Ибрагим Ізмағамбетов жеңімпаз бен жүлдегерлердің бәріне дипломдар мен сыйлықтар табыс етті.

Мәдениет Аймақ

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).