ОРАЛ. 13 сәуір. ҚазАқпарат /Елжан Ералы/ - БҚО ІІД ұйымдасқан қылмыспен күрес басқармасының қызметкерлері Ақсай қаласында тағы бір жасырын ойынхананы әшкереледі.
Облыстық ішкі істер департаменті баспасөз қызметінен Гүлжан Қанатованың хабарлағанындай, бұдан бұрын 9 сәуірде жиырма жасар Ақсай қаласы азаматының ойынханасы жойылған болатын.
Үш күннен кейін «Орал» азық-түлік дүкені ғимаратының бірінші қабатында 28 жасар әйелдің үш ойын автоматын құмар ойынға «құлап түсетін» азаматтарға ұсынып келгені анықталды.
Енді жасырын ойынхана ұйымдастырған аталған адамдар әкімшілік жауапкершілікке тартылатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).