ОРАЛ. 9 желтоқсан. ҚазАқпарат /Елжан Ералы/ - Ақсай қаласында кеше, 8 желтоқсан күні облыс әкімі Бақтықожа Ізмұхамбетовтің қатысуымен жаңа нысандар ашылды.
Облыс басшысы алдымен 10-шағынаудандағы «Ақсайжылуқуат» МКК-ға қарасты қазандықта болды. Аталмыш қазандықты «ҚПО б.в.» компаниясы күрделі жөндеуден өткізіп берген. Соның арқасында Ақсай қаласында жылу беру жақсарып отыр. Осы компания қаржысына өткен жылы қалада 900 орындық №6 орта мектеп ғимараты ашылған болатын. Мұнда 36 оқу, 4 лингафонды кабинеттер, 4 шеберхана, 3 өзін-өзі тану кабинеті, 2 спорт залы жұмыс жасайды. Биылғы ҰБТ қорытындысы бойынша мектеп облыста үздік ондықтың қатарына еніп отыр. Мектепке ат басын тіреген әкім білім ордасының қазіргі заман талаптарына толық сай келетінін айтып, оқу-тәрбие үрдісін жетілдіре беру қажеттігіне назар аударды.
Облыс басшысы осы күні «Сарыарқа» спорт кешені мен «Самал» қонақүйінің ашылу салтанатына қатысты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).