ОРАЛ. 11 сәуір. ҚазАқпарат /Елжан Ералы/ - БҚО ішкі істер департаменті ұйымдасқан қылмыспен күрес басқармасының қызметкерлері жедел іздестіру шаралары барысында 9 сәуірде Ақсай қаласында жасырын ойынхананы әшкереледі.
Департаменттің баспасөз қызметінен Гүлжан Қанатованың хабарлағанындай, тексеру кезінде бес ойын автоматы табылып, залда соншама адам болған. Ойын автоматтары мен 14 мың теңге көлеміндегі ұтыс тәркіленді.
Ойынхана иесі, Ақсай қаласының жиырма жасар азаматы «Ойын бизнесі туралы» ҚР Заңын бұзған. Оның үстінен ҚР Әкімшілік құқықбұзушылық кодексі 338-1 бабы 1-бөліміне сәйкес іс қозғау мәселесі шешілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).