ОРАЛ. 5 қаңтар. ҚазАқпарат /Елжан Ералы/ - Батыс Қазақстан облысына қарасты Бөрлі ауданының прокуратурасы өткізген рейдтік шаралар барысында Ақсай қаласында Д.Шамагин мен В.Корсун деген азаматтардың жасырын ойынханалар ұйымдастырғаны анықталды.
Облыс прокуратурасының баспасөз қызметінен түскен мәліметке қарағанда, осы факті бойынша аталған азаматтардың үстінен ҚР Әкімшілік құқықбұзушылық кодексі 338-1 бабы 2-бөліміне сәйкес әкімшілік іс қозғалған.
Бөрлі ауданы мамандандырылған әкімшілік сотының қаулысымен Д.Шамагинге 100 АЕК көлемінде айыппұл салынып, 30 ойын автоматы мен басқа да табысы тәркіленді. Ал В.Корсунге 300 АЕК көлемінде айыппұл салынып, оның да 30 ойын автоматы мен өзге табысы тәркіленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).