АСТАНА. ҚазАқпарат - Ақтөбе облысы аумағындағы барлық республикалық жолдарда көлік қозғалысы қалыпты тәртіпте жүзеге асырылуда. Бұл туралы бүгін «Қазақавтожол» РМК баспасөз қызметінен хабарлады.
Атап айтқанда, кеше боранға байланысты «Ақтөбе-Атырау-РФ шекарасы» жолының 246-330 шақырымындағы Қарауылкелді мен Атырау облысы аралығында қозғалысқа шектеу енгізілген болатын. Бүгін сағат 09.40-тан бастап бұл жолда көлік қозғалысы қайта жандандырылды.
Бұдан бөлек, қазіргі кезде Алматы облысы аумағындағы боран салдарынан «Үшарал-Достық» жолының 83-173 шақырымындағы Көктума мен Достық учаскесінде жол жабық.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.