АҚТӨБЕ. ҚазАқпарат - Ақтөбеде мектептегі төбе жабындысының құлауына байланысты арнайы комиссия құрылды, деп хабарлады ҚазАқпарат тілшісі.
"Оқушылар балалар ауруханасына жеткізіліп, тексерілді. Денсаулығына шағымданбаған, жағдайы қалыпты балаларды ата-аналары үйіне алып кетті. Ал денсаулығы бойынша бұрын есепте тұрған оқушы дәрігерлердің бақылауында болады. Ол таңға дейін ауруханада қалдырылды. Төбе жапсырмасының құлауына байланысты арнайы комиссия құрылды. Мектептегі жағдай қала әкімінің бақылауына алынды", - деген хабарлама таратты өңірлік коммуникация қызметі.
Айта кетейік, Ақтөбедегі №40 орта мектептің төбе жапсырмасы құлап, 9 бала ауруханаға түсті.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.