Оның атап өтуінше, Ақтөбе қаласында облыстық ІІД Ұйымдасқан қылмысқа қарсы күрес басқармасының қызметкерлері жедел іздестіру іс-шаралары кезінде 2011 жылдың қараша айынан бастап заңсыз жұмыс істеп жатқан жасырын казиноны анықтады. Ойынхананы тінту барысында 6 ойын автоматы, 1 электрондық тақта, 3 покерлік үстел, сондай-ақ 5 мың АҚШ доллары мен 710 мың теңге табылып, алынды.
«Казиноның тәуліктік түсімі 1 миллион теңгеден 1,5 миллион теңгеге дейін жетеді. Оның қожайыны 55 жастағы жергілікті тұрғын әйелдің үстінен заңсыз ойын бизнесін ұйымдастырғаны үшін қылмыстық іс қозғалды. Тергеу амалдары жүргізілуде», - деді Н.Ораз.