12:08, 15 Сәуір 2009

«Ақжайық» футбол командасы жақсы ойнаса, қаржылай ынталандырылатын болады

ОРАЛ. Сәуірдің 15-і. ҚазАқпарат /Ғайсағали Ералы/ - «Ақжайық» футбол командасы жақсы ойын-өрнегін көрсетсе, қаржылай ынталандырылатын болады,

деп хабарлайды ҚазАқпарат тілшісі. Облыстық футбол федерациясының құрметті президенті Мүсілім Оңдағановтың айтуынша, жаңа маусымда «Ақжайық» қатарынан үш рет жеңіске жетсе, команда түгелдей сыйақы алады. Ал үздік ойынымен көзге түскен футболшыға 1 мың АҚШ доллары берілмек. Жергілікті жастардан құралған команда (бас бапкері Виктор Каблов, капитаны Абай Аманбаев) биыл суперлигаға шығуды мақсат етіп отыр. Биыл «Ақжайық» маусымды сәуірдің 25-інде ел кубогі үшін сында өз алаңында «Атырау» командасымен кездесуден бастайды. Содан кейін бірінші лигадағы алғашқы ойынын Астананың «Намыс» командасымен өткізбек.
Аймақ Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).