15:37, 02 Сәуір 2009

Ақжайықта мемлекеттік қызмет тәртібін нығайтуға арналған семинар-кеңес өткізілді

ОРАЛ. Сәуірдің 2-сі. ҚазАқпарат /Ғайсағали Ералы/ - ҚР Мемлекеттік қызмет істері агенттігі облыстық басқармасы БҚО-ның Ақжайық ауданында мемлекеттік қызмет тәртібін нығайтуға арналған семинар-кеңес өткізді,

деп хабарлайды ҚазАқпарат тілшісі. Жиында мемлекеттік қызметшілердің Ар-намыс кодексін бұлжытпай сақтауы, сыбайлас жемқорлыққа жағдай жасайтын құқық бұзушылыққа бармауы мәселелері талқыланды. Бұл орайда аудан әкімі Абай Иманғалиев, ҚР Мемлекеттік қызмет істері агенттігі облыстық басқармасының бастығы, тәртіптік кеңес төрағасы Әкімгерей Серғалин және басқалар өз пікірлерін білдіріп, мемлекеттік құрылымдардың қоғамдық ұйымдармен тығыз байланыста жұмыс істеуі қажеттігін атап көрсетті.
Аймақ Басқа мемлекеттік органдар
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).