АСТАНА. ҚазАқпарат - Мексикалық боксшы Сауль Альварес Геннадий Головкинмен жекпе-жегінде әлемнің бүгінгі күнгі ең мықты боксшысы анықталады деп есептейді, деп хабарлайды «ҚазАқпарат» ХАА Sports.kz-ке сілтеме жасап.
«Кіші Чавеспен жекпе-жегім көп жағдайда, жеке басыма байланысты болды, ал Головкинмен - анағұрлым кәсіби айқас», - деді «Канело» Fight Network-ке берген сұхбатында.
«Біздің жекпе-жек pound-for-pound-тың үздік боксшысы кім екендігін анықтайтын болады және бұл мен үшін маңызды. Кейбір айқастарға 5-6 жыл жұмсалды, ал біздің жекпе-жекке небәрі бір-бір жарым жыл қажет болды. Барлығы риза болады деп ойлаймын», - деп түйді Сауль Альварес.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.