16:04, 13 Сәуір 2009

Алаяқтардың іс-әрекетінен «Даму» қорына 42,5 млн. теңге залал келтірілді

ОРАЛ. Сәуірдің 13-і. ҚазАқпарат /Ғайсағали Ералы/ - БҚО бойынша экономикалық қылмысқа және сыбайлас жемқорлыққа қарсы күрес департаменті алаяқтықпен айналысып, несие алған бір топ адамның үстінен қылмыстық іс қозғап, айыптау қорытындысымен сотқа жіберді.

Департаменттің баспасөз қызметінен ҚазАқпарат тілшісіне хабарлағанындай, олар бір-бірімен алдын ала қылмыстық келісімге бара отырып, азаматтардың құжаттарын алдап алып, солардың атына «ФРМП ? Орал» шағын несие ұйымы» ЖШС-інде заңсыз несие рәсімдеген. Сөйтіп «Даму» кәсіпкерлікті қолдау қоры» АҚ-ға 42,5 млн. теңге залал келтірген. Тергеу барысында айыптылардың мүлкін тәркілеу жолымен 14,7 млн. теңге өндірілді.
Аймақ Сыбайлас жемқорлықпен күрес
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).