ОРАЛ. 10 қазан. ҚазАқпарат /Елжан Ералы/ - Мәскеу қаласында Ресейдің еңбек сіңірген спорт шебері, генерал А.Аслахановтың жүлдесі үшін самбодан өткен әлем кубогінің қорытынды кезеңінен батысқазақстандық балуандар табысты оралды.
Оған әлемнің түрлі елдерінен 300-дей самбошы қатысты. Бұл әлем кубогінің биылғы алтыншы, яғни қорытынды кезеңі болатын.
Аталмыш бәсекеде самбодан әлемнің үш дүркін чемпионы Ерболат Байбатыров 57 келі салмақта жеңімпаз атанса, Азия чемпионы Медет Оңдағанов 52 келіде күміс жүлдені еншіледі.
Бұл олардың Вильнюсте қарашада өтетін әлем біріншілігі алдындағы кезекті «тер алуы» болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).