АСТАНА 8 ақпан. ҚазАқпарат - Әлеуеті төмен ауылдардан даму әлеуеті жоғары ауылдарға 1 мыңнан астам отбасы көшті. Бұл туралы бүгін Экономика және бюджетті жоспарлау министрлігінің кеңейтілген алқа мәжілісіндегі мәліметтерден белгілі болды.
2012 жылғы 1 қарашадағы жағдай бойынша «Жұмыспен қамту-2020» бағдарламасының үшінші бағытын іске асыру аясында даму әлеуеті төмен ауылдардан даму әлеуеті орташа және жоғары ауылдарға 1176 отбасы немесе 4 мың 85 адам көшті.
Министрлік мәліметтеріне қарағанда, былтырғы жылы Алматы, Шығыс Қазақстан, Батыс Қазақстан, Қарағанды, Павлодар және Солтүстік Қазақстан облыстарының даму әлеуеті төмен ауылдарында тұратын тұрғындар көшуге қатысты.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.