ОРАЛ. Шілденің 3-і. ҚазАқпарат /Ғайсағали Ералы/ - Әлеуметтік саладағы алға басулар - Елбасының сарабдал саясатының жемісі. Бұл туралы Орал қаласындағы №20 орта мектептің ағылшын тілі пәні мұғалімі Жанар Мағзұмова мәлім етті,
деп хабарлайды ҚазАқпарат тілшісі.
Оның айтуынша, Елбасы тапсырмасына сәйкес білім саласында да көптеген жаңа жобалар мен жарқын істер жүзеге асуда. Үкімет ұстаздарды назардан тыс қалдырған емес. Бұған мұғалімдер жалақысының да көтерілуі дәлел. Мектептер жыл сайын жөндеуден өткізіліп, жаңалары бой көтеріп жатыр. Болашақта Қазақстан он екі жылдық білім жүйесіне көшпек. «Болашақ» бағдарламасы бойынша білім алып жатқан елге жаңа серпін әкелетін болады. Мұның бәрі Елбасының бастамасымен жүзеге асырылып жатқаны даусыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).