Алматыда Әлия мен Мәншүк атындағы саябақты қалпына келтіру жұмыстары күзде аяқталады

АЛМАТЫ. KAZINFORM – Алматыда Әлия мен Мәншүк саябағын реконструкциялау жұмыстары қайта жанданды.

«Әлия мен Мәншүк атындағы скверді абаттандыру жұмыстары жалғасып жатыр. Жоба жаяу жүргіншілер жолын, демалыс аймағын, жарықтандыруды, шағын сәулет нысандарын орнатуды көздейді», - деді Ерболат Досаев Алмалы ауданының тұрғындарымен кездесуінде.

Сонымен қатар ол «Аққу», «Одуванчик» және «Қызғалдақ» сияқты үш субұрқақ қайта жаңартылатынын атап өтті.

Фото: Алматы әкімдігі

 

Жұмыстар Республика күніне орай аяқталады.

Еске салайық, Қазақ – Британ техникалық университетіне қарама-қарсы орналасқан Әлия мен Мәншүк саябағын жаңдандыруды мойнына алған мердігер ұйым жұмысты аяқсыз қалдырып кеткен еді. 

Әлия мен Мәншүк саябағындағы жөндеу жұмыстары былтыр аяқталуы тиіс болатын.