Бұл туралы бүгінгі баспасөз мәслихатында ҚР Ішкі істер министрлігінің ресми өкілі Нұрділдә Ораз мәлім етті.
«Алматы облысына қарасты Қарасай ауданында жүргізілген жедел-іздестіру шаралары кезінде «Абай» саяжай қоғамдастығы аумағынан 52 жастағы Өзбекстан Республикасының азаматы ұсталды. Алматы қаласында тұрып жатқан одан 90 келіге тарта
марихуана тәркіленіп алынды. Сондай-ақ алаңқайды тінту кезінде тағы жалпы салмағы 110 келіні құрайтын 11 қап табылды», - деп атап өтті Н.Ораз.
Оның айтуынша, оған қатысты қылмыстық іс қозғалып, күдікті қамауға алынды. Қазіргі таңда есірткі заттарын тасымалдау арнасын анықтау мақсатында жедел-іздестіру, арнайы және тергеу кешенді шаралары жүргізілу үстінде.