10:19, 26 Сәуір 2021

Алматы облысында жүк көлігі сиырларды қақты: Бір адам мерт болды

ТАЛДЫҚОРҒАН. ҚазАқпарат- Алматы облысында жүк көлігі сиырларды қағып, 33 жастағы жолаушы мерт болды, деп хабарлайды ҚазАқпарат тілшісі.

Апат болған жерден түсірілген видео әлеуметтік желіде тарады.

Алматы облыстық Полиция департаментінің баспасөз қызметі оқиғаны растады. Жол- көлік апаты Талғар ауданында болды.

«HYUNDAI HD 270» жүк көлігінің жүргізушісі батыс бағытта Ақбұлақ-Талғар тасжолы бойында үш сиырды қағып кеткен. Салдарынан оқиға орнында 33 жастағы жүк көлігінің кабинасында отырған жолаушы мерт болды», - деп хабарлады Алматы облыстық Полиция департаментінен.

Аталған жол апаты бойынша ҚР ҚК-нің 345-бабы, 3-бөлігіне сәйкес сотқа дейінгі тергеп-тексеру басталды.

Аймақ Алматы облысы Жол Көлік Оқиға Төтенше оқиғалар, апаттар Қоғам

Алма Мұқанова

Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.