11:06, 15 Ақпан 2016

«Алматы - Сеул» рейсінің жолаушысы ірі көлемде жарияланбаған ақшамен ұсталды

АСТАНА. ҚазАқпарат - Алматы қаласының халықаралық әуежайында «Алматы - Сеул» бағытымен ұшқалы тұрған КС 909 әуе рейсін тексеру барысында «Алматы» шекаралық бақылау отрядының шекарашыларына 40 жастағы қазақстандық азаматшаны ұстауға тура келді.

Бұл туралы ҚР ҰҚК ШҚ баспасөз қызметі хабарлады.

Бұл азаматшаны ұстауға себеп болған нәрсе - оның қол сөмкесінен табылған жарияланымсыз 17 700 АҚШ доллары болды. Табылған ақшаға акт жасалынып, иесімен бірге Алматы қаласының кедендік бөліміне тапсырылды. Тексеру әрі қарай жалғасуда.

Аймақ Алматы Қылмыс Қылмыспен күрес
без автора