АЛМАТЫ. ҚазАқпарат - Алматыда ұсталған есірткі сатушылар арасында танымал Q-pop орындаушылары – Madmen тобының мүшелері болғаны белгілі. Егер олардың қылмысы дәлелденсе 15 жылға сотталуы мүмкін, деп хабарлайды ҚазАқпарат тілшісі.
«Қазір оларға қатысты қамауға алу шарасы қабылданды. Іс ҚР ҚК-нің 297-бабы 3-бөлігі бойынша (есірткі заттарын аса ірі мөлшерде заңсыз сақтау және сату) қаралып жатыр. Егер күдіктілердің кінәсі дәлелденсе, онда олар мүлкін тәркілеумен 10 жылдан 15 жылға дейінгі мерзімге бас бостандығынан айырылады»,-деп түсіндірді полиция.
Бұған дейін, Алматыда синтетикалық есірткіні дайындап, сатты деген күдікпен ұсталған 10 адамның 2-еуі аталған шығармашылық топқа қатысы бар екені туралы жазған болатынбыз.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.