«Дөңгелек үстел» барысында сарапшылар мен қоғам өкілдері тарихи орындарды қайта құру және жаңа скверлер, саябақтар мен жаяу жүргіншілер аймақтарын салу барысын қарастырды.
Қоғамдық кеңістіктер - бұл қала тұрғындары үшін үнемі қол жетімді қала ортасының бөлігі. Қаланы дамыту стратегиясының басым бағыттары «жасыл қала» және «шетсіз қала» болып табылады.
Алматы қаласы Жасыл экономика басқармасының басшысы Наталья Левинскаяның айтуынша, абаттандыру арқасында қалада тартылыс пен демалыстың жаңа жерлері құрылуда. Бүгінде бір тұрғынға 7,7 шаршы метр жасыл кеңістік тиесілі. Қалада жалпы ауданы 825,27 га 167 саябақ аумағы бар, оның ішінде 14 саябақ, 122 сквер, 26 бульвар, 2 тоғай, 1 бақ, 2 аллея бар.
Сондай - ақ, мегаполис аумағы арқылы 49 өзен ағып өтеді, ұзындығы 447 км. Негізгілері - Есентай - 35,1 км, Үлкен Алматы - 29 км, Кіші Алматы - 28 км.
Алматы қалалық жоспарлау және урбанистика басқармасының басшысы Алмасхан Ахмеджанов өз сөзінде атап өткендей, бүгінде Алматыда жалпы ұзындығы 54 шақырымды құрайтын 110 жаяу жүргіншілер аймағы бар.
«Қала алдағы уақытта мегаполистің рекреациялық әлеуетін тиімді пайдалана отырып, қаланың орталық бөлігінде де, шеткі аудандарында да жаңа қоғамдық кеңістіктер құруды жоспарлап отыр», - деді А. Ахмеджанов.
Спикер ұзындығы 380 метр болатын Мүсірепов көшесін Абай даңғылынан Чапаев көшесіне дейін өзгерту тұжырымдамасын мысалға келтірді. Жоба 2 тақырыптық бөлікке бөлінеді. Біріншісі – «Жыл мезгілдері» бульвары - Абай даңғылынан Сәтпаев көшесіне дейін, Ә.Қастеев атыңдағы мұражай жармасында. Екіншісі - Мүсірепов көшесіндегі жаяу жүргіншілер бульвары, ол Сәтбаев көшесінен Тимирязев көшесіне дейін.
Жобада Vision Zero қағидаты бойынша қауіпсіз өткелдер құру және жеке автокөліктер үшін тротуарды жабу көзделген.
Қоғам қайраткері Сергей Пономарев атап өткендей, Қоғамдық кеңес Алматыда қоғамдық кеңістікті дамыту жобаларын іске асыруға тұрақты мониторинг жүргізеді.
«Серпінді жобалардың бірі - қала орталығынан тауларға дейінгі өтпелі бағыттарды атап өткім келеді. Үлкен жұмыс атқарылды. Бірнеше жылдан кейін қонақтар мен тұрғындар Медеуден қала орталығына дейін бірегей маршрут бойынша жүре алады», - деді С. Пономарев.
Кездесуге қатысушылар жобаларда халықтың барлық топтарының: мүмкіндігі шектеулі азаматтардың, велосипедшілердің және жаяу жүргіншілердің мүдделері ескерілетінін атап өтті.