«Алматы метросы 2011 жылы 1 желтоқсанда Елбасы Нұрсұлтан Назарбаевтың қатысуымен пайдалануға берілген болатын. Ондағы миллионыншы жолаушының есімі 2012 жылдың 18 қаңтарында белгілі болған еді. Ал 5 тамызда 2 миллионшы жолаушы тасымалданған еді. Жыл соңында олардың саны 7 миллионға дейін жетті», - дейді «Алматы метрополитен» коммуналдық мемлекеттік кәсіпорнының баспасөз хатшысы Айдар Қырықбаев. Оның айтуынша, метро қызметі шаһардың экологиялық ахуалын жақсартып, көлік кептелістерін азайтуға айтарлықтай үлес қосуда. Онда жұмыс күндері орташа есеппен 19-21 мың, демалыс күндері 9-12 мың жолаушы тасымалданады.
15:25, 03 Қаңтар 2013
Алматыдағы метро көлігі қызметін пайдаланған жолаушылар саны 7 миллион адамнан асты
АЛМАТЫ. 3 қаңтар. ҚазАқпарат - Алматы қаласындағы метро көлігін пайдаланушылар саны 2011 жылдың 1 желтоқсаны мен 2012 жылдың 31 желтоқсаны аралығында 7 миллион адамнан асты.