ОРАЛ. Қаңтардың 6-сы. ҚазАқпарат /Елжан Ералы/ - БҚО-ның Жаңақала ауданы Қызылоба ауылында жаңа пошта ғимараты пайдалануға берілді,
деп хабарлайды ҚазАқпарат тілшісі.
Құрылысқа 9 миллиондай теңге жұмсалған. Қазіргі заманғы құрал-жабдықтармен жасақталған жаңа ғимаратта жұмыс жасауға барлық жағдай бар.
Жаңа пошта ғимаратының ашылуымен «Қазпошта» АҚ БҚО филиалының директоры Мағал Бекмағамбетов те құттықтады. Жалпы, соңғы кезде ауылдық жерде мұндай пошта ғимараттары көбейіп, қызметтері жақсара түсіп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).