12:37, 13 Сәуір 2009

Аралтөбеде азық-түлік дүкені мен наубайхана ашылды

ОРАЛ. Сәуірдің 13-і. ҚазАқпарат /Ғайсағали Ералы/ - БҚО-ның Сырым ауданы Аралтөбе ауылында «Тәтті» азық-түлік дүкені мен наубайхана ашылды,

деп хабарлайды ҚазАқпарат тілшісі. Аудан әкімі Ерлан Нысанғалиевтің атап өткеніндей, Елбасы Жолдауына орай азық-түлік қауіпсіздігін қамтамасыз ету мақсатында кәсіпкерлерге қолдау көрсетіле беретін болады. Бұл ? сонымен қатар ауыл тұрғындарын жұмыспен қамтудың бір жолы. Дүкенді ашқан кәсіпкер Гүлмира Оразғалиева ауыл адамдарына, жергілікті мектепке демеушілік көрсетіп, қолұшын созудан еш аянған емес. Наубайханада ( иесі Майжан Мәтжанова ) наннан басқа тәтті тағамдар пісірілетін болады. Екі нысанда да сатылатын тауарлар бағасы да жергілікті жұртшылыққа қолайлы болмақ.
Аймақ Жолдау Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).