ОРАЛ. 23 қаңтар. ҚазАқпарат - 1993 жылдың 22 қаңтарындағы Азаматтық, отбасылық және қылмыстық істер бойынша құқықтық қатынастар және құқықтық көмек туралы конвенция (Минск конвенциясы) аясында РФ Бас прокуратурасы БҚО құқық қорғау органдарына О.Князевті қайтарды.
Облыс прокуратурасының баспасөз қызметінен хабарлағанындай, прокуратура органдары аталған шарана Н. деген азаматқа ауыр дене жарақаттарын келтіргені және аса ірі мөлшердегі есірткі затын (героин) өткізу үшін заңсыз сақтағаны үшін Князевті қылмыстық жауапкершілікке тарту мақсатында жүзеге асырды.
О.Князев 2012 жылдың сәуір айында Қазақстан Республикасының құқық қорғау органдарынан жасырынып, оның мекен-жайының анықталмауына байланысты іздеу жарияланған болатын, 2012 жылдың желтоқсан айында Ресей Федерациясының құқық қорғау органдары оны Орынбор облысында қолға түсірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).