АСТАНА. 29 наурыз. ҚазАқпарат - Бүгін «Астана арландары» WSB додасының ширек финалындағы қарымта кездесуде «Аргентина кондорларымен» қолғап түйістіреді, деп хабарлады «Аламан» порталы.
Алматыда сағат 19:30-да басталатын матчты «Ел арна» телеарнасы тікелей эфирден көрсетеді.
Бірақ матч басталмай жатып, «Астана арландары» алға шықты. 61 келіде Ержан Мүсәпіровке қарсы кездесу өткізуі тиіс Брайан Нуньенс виза мәселесіне байланысты Қазақстанға келе алмады. Сондықтан, аргентиналық боксшыға техникалық жеңіліс жазылды.
Естеріңізге сала кетейік, алғашқы кездесуде арландар 2:3 есебімен ұтылып қалған еді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.