АСТАНА. ҚазАқпарат - Astana LRT компаниясы елорда тұрғындарына аялдамаларға ілінетін қоғамдық көлік бағдарының схема-картасын өздеріне ыңғайлы етіп таңдауды ұсынды, деп хабарланды компанияның Фейсбуктегі парақшасында.
«Біз қоғамдық көліктер бағдары схема-картасының жаңа форматын әзірлеп жатырмыз. Бұл схема-карталардың барынша халыққа қолайлы болғанын қалаймыз. Сіздердің назарларыңызға екі нұсқаны ұсынамыз. Қай ұнағанын төмендегі сілтемемен өтіп, көрсетулеріңізді сұраймыз», - делінген хабарламада.
Хабарламада көпшілікке жүргізілген сауалнама негізінде аялдамаларға ілінетін схема-карталардың ең тиімді нұсқасы таңдалатыны жазылған.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.