Сонымен қатар велокоманданың таратқан ақпараты бойынша, біржылдық келісімшарт эстондық спортшы Танел Кангерт пен италияндық Франческо Маскьяреллимен де жасалған.
Анықтама: Евгений Петров, 32 жаста - Ресейдің ең титулды әрі құрметті велошабандоздарының бірі. Ресейдің бірнеше мәрте чемпионы, әлем және Еуропа чемпионаттарының жеңімпазы, 2 Олимпиада ойындарына қатысты. 8 жыл кәсіби шетелдік команданың құрамында өнер көрсетті. Соңғы 4 жылда ресейлік «Катюша» велокомандасының құрамында болды.
Роберт Кисерловски, 24 жаста - Liquigas - Doimo құрамында өнер көрсетті. GP Palio del Recioto (2006) жарысында жеңіске жеткен. Ағымдағы жылы ТТТ командасының құрамында Giro d'Italia және Giro dell'Appennino жарыстарында жеңімпаз атанды.
Танел Кангерт, 23 жаста - 2010 жылғы Эстония чемпионы, француздық «EC Saint-Etienne Loire» командасының құрамында жарыс жолына шыққан.