АЛ. 24 қараша. ҚазАқпарат /Елжан Ералы/ - Астанада 15 желтоқсанда ел тәуелсіздігінің 20 жылдығына арналған ең басты гала-концертте Ғ.Құрманғалиев атындағы облыстық филармонияның «Назерке» би ансамблі өнер көрсетеді.
Ансамбль жетекшісі Мирзада Сүндетқалиеваның айтуынша, ұжым биыл өзінің 15 жылдығын осындай үлкен табыспен атап өтпекші. Қазіргі таңда «Назеркеде» 16 биші еңбек етеді. Ансамбль репертуарында қазақ және басқа әлем халықтарының 50-ден астам биі бар. Дегенмен ең басты міндет - өз халқыңның өнерін паш ету. Ансамбльде Зәкия Жүсіпқали, Әлия Кенжетаева, Армат Сайлауов, Айбар Амандықовтар он жылдай уақыттан бері билеп келеді.
Елорда төрінде хорезм биін қою үшін дайындап жатқан «Назерке» көршілес Ресей облыстарына да үнемі концертпен шығып тұрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).