«29 мамыр күні сағат шамамен 13:00 кезінде Астана қаласындағы Балалар инфекциялық ауруханасының қабылдау бөліміне үш жарым жасар бала түсті. Баланы өздері (ата-анасы немесе туысы - авт.) алып келген. Тексерілгеннен кейін балаға алдын ала диагноз қойылды. Диагноз - «Менингококк инфекциясы, генерализдік формасы, менингит менингококцемия. Қазіргі уақытта баланың жағдайы тұрақты. Бала диагностика мен емделудің клиникалық хаттамаларына сәйкес ем алып жатыр. Бала түскен кезде арқа-ми сұйықтығына бактериологиялық тексеру жүргізілді», - дейді ол.
Оның айтуынша, қазіргі уақытта классикалық анықтау жүргізіліп жатыр.
«Анализ кезінде анықталғанындай, бала ұзақ уақыт Алматы қаласында болған. Астанаға 24 мамырда келген», - деді Ольга Пушкарева.
Еске сала кетсек, 29 мамырда сағат 13:12-де қалалық инфекциялық балалар ауруxанасына 3 жас 5 айлық бала түскен болатын.
Айта кетейік, осы күндері менингококк инфекциясының таралу ахуалы Алматы қаласында өршіп тұр. Соңғы 2 аптада дəрігерлерге 57 адам жүгінген. Оның 29-ында диагноз расталды. Менингококк жұқпасынан төрт адам қайтыс болды - ер адам, әйел, студент және 5 жасар бала.
Сондай-ақ бүгін белгілі болғандай, Талдықорғанда менингиттен 3 жасар бала көз жұмды. Оның ата-анасы тексеру үшін ауруханаға жатқызылды.