Астанадағы Мәңгілік Ел даңғылы мен Сарайшық көшесінің қиылысында жөндеу жүргізіледі
18:44, 19 Шілде 2024
АСТАНА. KAZINFORM – Астана қаласының Көлік және жол-көлік инфрақұрылымын дамыту басқармасы Мәңгілік Ел даңғылы мен Сарайшық көшесінің қиылысындағы көлік айрығында жоғарғы қабатты төсеу бойынша жол төсеміне орташа жөндеу жүргізеді.
Елорда әкімдігі ресми сайтының мәліметінше, қозғалыс 19 шілде күні сағат 21:00-ден бастап 21 шілдеге дейін толығымен жабылады.
Бұл ретте көлік қозғалысы сол жағымен бір бағытта ғана (Мәңгілік Ел даңғылынан «Марал» көпіріне қарай) орындалады.
Мекеме қала тұрғындары мен қонақтарынан жолдағы кептелісті болдырмау мақсатында өз маршруттарын алдын ала жоспарлауды сұрайды.
Еске сала кетейік, бұған дейін Астанада тағы бір көше уақытша жабылатынын жазған едік.