АСТАНА. 5 желтоқсан. ҚазАқпарат - «Эйр Астана» әуе компаниясы Fokker 50 ұшақтарын қолданыстан шығаруына байланысты Семей және Орал қалаларына қатынайтын әуе рейстерін тоқтатты. Бұл жайында ҚР ККМ баспасөз қызметі хабарлайды.
Астана - Семей бағдарындағы әуе қатынасын «SCAT» әуе компаниясы реактивті CRJ-200 әуе кемесімен жүзеге асыратын болады. Ұшу уақыты 1 сағат 45 минуттан 1 сағатқа дейін қысқарады. Ұшу жиілігі аптасына 4 рет.
Астана - Орал бағдары бойынша, жолаушылардың сұранысын қанағаттандыру мақсатында «SCAT» әуе компаниясы ұшу жиілігін аптасына 3 реттен 5 ретке дейін ұлғайтты. Және аталған бағдар бойынша аптасына екі рет «Бек Эйр» әуе компаниясы ұшу рейстерін жүзеге асырады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.