ОРАЛ. 8 қазан. ҚазАқпарат /Елжан Ералы/ - Атақты татар композиторы Назиб Жигановтың 100 жылдығы Оралда да аталып өтілетін болады.
Мерекелік шараларға татар ұлттық-мәдени орталығы ұйытқы болып отыр, Оралға композитордың ұрпақтары келмекші.
Назиб Жиганов Орал қаласында туып-өсіп, 1928 жылы Қазан қаласына қоныс аударды. Кейін Татарстан Композиторлар одағының төрағасы, Қазан консерваториясының ректоры қызметтерін атқарды. Еңбегі мен туындылары лайықты бағаланып, КСРО халық әртісі, Социалистік Еңбек Ері атанып, Мемлекеттік сыйлық берілді.
Композитордың 100 жылдығы Татарстанда, сондай-ақ Мәскеу мен Санкт-Петерборда да тойланбақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).