ОРАЛ. Желтоқсанның 24-і. ҚазАқпарат /Елжан Ералы/ - Атажұртқа оралғандарға бұдан былай да қамқорлық жасалатын болады. Бұл туралы Ақжайық ауданының әкімі Абай Иманғалиевтің елге оралған отандастармен кездесуінде айтылды,
деп хабарлайды ҚазАқпарат тілшісі.
Тек соңғы алты жылда ауданға 47 отбасы келсе, соның көпшілігі аудан орталығында қоныс тепкен. 2010-2011 жылдары «Нұрлы көш» бағдарламасына сәйкес Алмалы, Тайпақ және Қабыршақты ауылдарына тағы 200 отбасыны орналастыру ойластырылуда. Отанға оралғандардан мамандығы барлары тұрақты еңбек орнын тапса, қоғамдық жұмысқа тартылып, сондай-ақ «Жол картасына» сәйкес оқып жатқандары да бар.
Жүздесуде А.Алдоңғаров, Ә.Сардаров, М.Туғанова оралмандар атынан алғыстарын білдіріп, көптеген мәселенің шешімін тауып жатқанын айтты. Келген отбасыларға сыйлықтар табыс етілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).