ОРАЛ. ҚазАқпарат - Атырау қаласында самбодан өткен Азия чемпионатында БҚО ішкі істер департаментінің қызметкерлері, полиция лейтенанттары Айбек Ғабдешев пен Бағдат Жарылғасов күміс жүлдегер атанды.
Департаменттің баспасөз қызметінен түскен мәліметке қарағанда, аталмыш жарысқа Корея, Жапония, Тәжікстан, Қырғызстан, Өзбекстан, Ауғанстан сынды елдердің мықтылары қатысып, бақ сынады.
Айбек 74 келі, Бағдат 62 келі салмақта боз кілемге шығып, екінші орынды иеленді. Бұлардың екеуі де - талай додадан олжамен оралып жүрген балуандар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).