ОРАЛ. 2 ақпан. ҚазАқпарат /Елжан Ералы/ - Ауа райына байланысты БҚО жолдарында күрделі жағдай қалыптасып отыр.
Облыстық төтенше жағдайлар департаментінің баспасөз қызметінен түскен мәліметке қарағанда, кеше өңірдің оңтүстік аудандары бағытындағы жолдарға шектеу қойылды. Сондай-ақ кеше Тасқала ауданы аумағында Орал-Саратов бағытында бара жатқан автобустың жолдан тайқып, түсіп кеткені жөнінде хабар түсті. Тасқала аудандық төтенше жағдайлар бөлімінің бастығы жол пайдалану мекемелері қызметкерлерімен бірлесіп жедел көмек ұйымдастырып, автобусты тартып шығарды. Содан кейін 15 жолаушысы бар автобус аттанып кетті.
Абырой болғанда, зардап шеккендер жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).