ОРАЛ. ҚазАқпарат - Орал қаласында ауыр атлетикадан БҚО ашық чемпионаты мәреге жетті.
Спортқа дарынды балаларға арналған мамандандырылған облыстық мектеп-интернатынан түскен мәліметке қарағанда, жарысқа Атыраудан, Ақтөбе облысы мен қаласынан, Хромтаудан, Маңғыстаудан келген зілтеміршілермен қатар Батыс Қазақстан облысынан бірнеше команда құрамында спортшылар қатысып, бақ сынады.
Чемпионат қорытындысында аталмыш мектеп-интернаттың ауыр атлеттері табысты өнер көрсетіп, бес бірдей алтын медальді жеңіп алды. Атап айтқанда, Рустам Орашев (46 кг), Мадияр Айдар (34 кг), Артур Зырянов (50 кг), Виктор Тарасов (85 кг), Ержан Жұмағұлов (77 кг) чемпион атанды. Сондай-ақ Нұралы Мақанов (50 кг), Сержан Хамидолла (38 кг), Өтепберген Әлиев (56 кг), Бекнұр Жамбылов (34 кг) күміс, Дмитрий Шулепов (62 кг) қола жүлдені иеленді. Зілтеміршілердің бапкері - Дәурен Байториев.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).