Қытайдың Ханчжоу қаласында өтіп жатқан Азия ойындарында велотректен Қазақстан құрамасы қоржынына қола медаль түсті, деп хабарлайды ҚазАқпарат тілшісі.
Ел құрамасы сапынан Мэдисон бағдарламасының финалында жарыс жолына шыққан Артем Захаров пен Рамис Дінмұхаметов жұбы 37 ұпай жинады. Олар тек Жапония мен Оңтүстік Корея велошабандоздарынан қалып кетті.
Бұл бағдарламада спортшылар 200 айналым жасады. Жалпы ұзындығы - 50 шақырым.
Қазір ел құрамасы еншісінде бірқатар спорт түрлерінен 26 медаль (3 алтын, 4 күміс, 19 қола) бар. Медальдар кестесінде 11-орында тұр.
Еске салсақ, Азия ойындарында су добынан Қазақстан әйелдер құрамасы Таиландты жеңді.
Сондай-ақ, Қазақстан әйелдер құрамасы көгалдағы хоккейден алғашқы жеңісіне қол жеткізді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.