ОРАЛ. 2 маусым. ҚазАқпарат - Халықаралық балаларды қорғау күніне орай «Нұр Отан» ХДП БҚО филиалы жанындағы «Жас Отан» жастар қанаты отбасылық үлгідегі облыстық балалар ауылында қайырымдылық шарасын ұйымдастырды.
«Жас Отан» жастар қанатының атқарушы хатшысы Дархан Қадыралиевтің хабарлағанындай, «жасотандықтар» балалармен футболдан жолдастық кездесу, асфальтқа сурет салу, қызықты тренингтік ойындар ұйымдастырса, жеткіншектер өз өнерлерін көрсетті.
Сондай-ақ студенттік еңбек жасақтары аула клубтары балаларына арналған мерекелік шара өткізді. Онда клубтар командалары өзара сынға түсті. Концерттік бағдарлама қойылып, шараға белсене қатысқан балалар марапатталды.
Бұл күні жазғы аула клубтары салтанатты түрде ашылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).