13:05, 31 Наурыз 2009

Батыс Қазақстан қорғаныс істері жөніндегі департаменті қызметкерлері мемлекеттік тілді меңгеруде

ОРАЛ. Наурыздың 31-і. ҚазАқпарат /Ғайсағали Ералы/ - Батыс Қазақстан облыстық қорғаныс істері жөніндегі департаменті қызметкерлері мемлекеттік тілді меңгеріп келеді.

Департамент бастығы, подполковник Данияр Галеевтің ҚазАқпарат тілшісіне хабарлағанындай, департамент қызметкерлерінің 40 пайыздайы ? орыс тілділер. Мекемеде мемлекеттік тілді меңгеру деңгейіне сәйкес үш оқу тобы ұйымдастырылған. Онда қырықтан астам қызметкер оқиды. Олар штаттағы аудармашылардың көмегімен, кейде өз бетімен шағын мәтіндерді, тапсырыстарды орындай алады. Әсіресе, майор Андрей Махорин, Любовь Кузнецова, Надежда Бородулина, Любовь Лидер сынды қызметкерлердің талпыныстары жақсы. Қазіргі кезде департаментте 2009 жылғы бірінші тоқсанның қорытындысы бойынша мемлекеттік тілдегі кіріс қағаздары ? 85, шығысы 90 пайызды құрайды. Бұл - өңірдегі жоғары көрсеткіштердің бірі.

Мәдениет Аймақ

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).